Trajneri i Manchester United, Ole Gunnar Solskjaer, ka folur për mediet angleze në lidhje me merkaton e janarit, e cila po konsiderohet si jetike për vazhdimësinë e sezonit te “Djajtë e Kuq”. Trajneri norvegjez është treguar i hapur dhe i sinqertë me tifozët e skuadrës së tij, duke i thënë gjërat ashtu siç i mendon:
“Merkato e janarit? Po mendojmë vetëm për lojtarë të cilët bëjnë pjesë në planet tona afatgjatë. Kështu që, mund të mos ketë asnjë blerje, mund të ketë vetëm një. Kemi gjithmonë merkaton e verës përpara, kështu që nuk duhet të nxitohemi.
Edhe nëse duam të marrim lojtarët që përmbushin kriteret tona, është e vështirë t’i transferosh në janar. Po ndërtojmë një skuadër që premton trofe në të ardhmen dhe nuk do të nxitohemi aspak”, tha mes të tjerash strategu i Manchester United./abcnews.al
