Athina zyrtare mohon pretendimet e Ankarasë për një “shkëmbim mendimesh” në kontekstin e diskutimeve teknike në NATO.
Gazeta greke “Protothema” duke cituar burime diplomatike shkruan se oficeri grek shkoi në zyrën e Presidentit të Komitetit Ushtarak të NATO-s në mënyrë që të paraqesë komentet e palës greke mbi propozimet e Sekretarit të Përgjithshëm të NATO-s për një mekanizëm të mundshëm të de-përshkallëzimit.
Kryetari i Komitetit Ushtarak i kërkoi oficerit grek një seri sqarimesh mbi komentet e paraqitura.
“Sipas burimeve diplomatike, nuk kishte dialog me oficerin turk. Përveç kësaj, referencat për “shkëmbimin e pikëpamjeve” në kontekstin e “diskutimeve teknike” janë pjesë e përpjekjes së vazhdueshme të Turqisë për të paraqitur një pamje joreale në mënyrë që të shmangë vendosjen e sanksioneve mbi veprimet e saj të paligjshme”, shkruan Protothema, përcjell abcnews.al.
Më parë, Ministria Turke e Mbrojtjes kishte pohuar se takimi i delegacioneve teknike të Greqisë dhe Turqisë në NATO ishte zhvilluar.
Sipas tij, “një shkëmbim mendimesh u zhvillua në takim ku u diskutuan masat për të parandaluar ndërhyrjen e mundshme midis aktorëve ushtarakë”.
Ministria Turke e Mbrojtjes gjithashtu tha se një thetër komunikim është planifikuar në ditët në vijim. g.v/abcnews.al
