Erik ten Hag nuk do të jetë në krye të Manchester United sezonin e ardhshëm. Presidenca është e pakënaqur me punën e teknikut holandez dhe ka nisur nga puna për gjetjen e pasuesit të tij dhe sipas raportimeve më të fundit, të mediave britanike kanë nisur bisedimet me Graham Potter, madje është zhvilluar edhe një takim me ish-trajnerin e Chelsea.
Vetë pronari i ri, Sir Jim Ratcliffe ka takuar personalisht 48-vjeçarin nga Solihull, teksa më tej në raportimet e “ishullorëve”, thuhet se akordi mes palëve është arritur dhe Potter pret verën për të nisur aventurën e tij me ekipin me më shumë tifozë në botë.
Megjithatë, Potter nuk është i vetmi në listën e “Djajve”, me “gjigantët” e Premier League, që mendonte gjithashtu edhe për nënshkrimin me italianin, Thiago Motta, i cili është dërgoi skuadrën e Bologna në Champions League, arritje kjo jo pak e vogel, me një klub si “Emiljanët”, mirëpo me kalimin e brazilianit te Juventus, Potter mbetet i vetmi opsion. /i.m /abcnews.al
