Bizneset dhe qytetarët kanë vlerësime optimiste për të aktivitetin ekonomik në muajt e ardhshëm si dhe për të fitimet.
Treguesi i ndjesisë ekonomike u rrit me 1.1% në muajin mars ndërsa aktualisht qëndron 8.1 pikë mbi mesataren historike Në rritjen e tij ndikuan përmirësimi i besimit konsumator dhe i besimit të bizneseve në të gjithë sektorët, me përjashtim të sektorit të tregtisë. Ky i fundit dha një kontribut negativ.
Treguesi i besimit në shërbime u rrit me 1.2%në muajin mars dhe kjo u përcaktua nga pritshmëritë më pozitive të bizneseve për ecurinë aktuale të aktivitetit të tyre.
Edhe sektori i ndustrisë pësoi një rritje me 1.4 %në muajin mars e lidhur kjo me vlerësimet optimiste për kontratat porositëse të bizneseve nga eksportet, si dhe për prodhimin industrial aktual.
Treguesi i besimit në ndërtim u rrit me 1.6 pikë përqindje në muajin mars dhe niveli i tij u përcaktua nga aktiviteti aktual ndërtues.
Sektori I tregtisë ka vlerësime më pesimiste por përsëri niveli i tij vijon të qëndrojë rreth 5 pikë përqindje mbi mesataren historike këtë muaj.
Edhe qytetarët kanë pritshmëri më optimiste dhe Treguesi i besimit konsumator u rrit me 2.3% në muajin mars. Kjo ka reflektuar si pritjet më optimiste për situatën e përgjithshme të ekonomisë dhe për gjendjen e tyre financiare në të ardhmen ashtu edhe situatën e përmirësuar të blerjeve në shuma të mëdha./abcnews.al
