Aksidentin tragjik që ndodhi këtë të premte në aksin Fier-Vlorë ku humbën jetën 4 anëtarët e një familje dhe u plagosën tre të rinj, ka tronditur mbarë opinionin publik.
Të shumtë kanë qenë edhe personazhet e njohur që kanë reaguar lidhur me këtë ngjarje tronditëse.
Më e fundit është këngëtarja e njohur Aurela Gaçe, e cila përmes një postimi në “Facebook” ka shprehur ngushëllimet prej nëne e përlotur.
Ndër të tjera, ajo ka thënë se e kap ankthi kur del në autostradë me fëmijët, pasi nuk i dihet me çfarë të dehuri ka të bëjë.
“Shpejtesia e pilotëve, adoleshentë të rinj, koka erë, është vrasje me dashje.
E dhimbshme, e frikshme. Te jesh ne rrugën tënde e te te marrin jetën “qejflinjtë” e shpejtesise, është krim.
Mua më kap ankthi te dal ne autostrade me femijet.
Me ze tmerri ne çdo kthese a semafor. Pikerisht sepse asnjehere si dihet se me çfare “te dehuri nga euforia e jetës” mund të përballesh.
U prehshin në paqe 4 engjejt, ngushellimet e mija prej nëne dalin bashke me lotët”, ka shkruar Aurela. l.k/abcnews.al
