Mbytet varka në liqenin e Shkodrës

19:32 | 03/02/201919:320

Ngjarje e rëndë në ujërat e liqenit të Shkodrës që i përkasin Malit të Zi. Një familje me tre anëtarë nga Zeta e Malit të Zi dhe një djalë nga Podgorica u mbytën ujërat e  liqenit te Shkodrës, kur stuhia përmbysi varkën në të cilën ata ndodheshin. Detajet e tragjedisë janë dëshmuar nga një tjetër person, i cili ishte në të njëjtën varkë me viktimat, raporton gazeta malazese “Vijesti”.

Sipas dëshmitarit, janë mbytur burrë e grua dhe djali i tyre, si dhe një i ri, i cili u përpoq t’i shpëtonte personat e përfshirë në këtë ngjarje. Në momentin që mjeti lundrues u përmbys në varkë ishin 9 persona, të cilët kishin shkuar në Manastirin Vranjina. Katër personat humbën tragjikisht jetën, ndërsa të tjerët arritën që të dalin në breg, duke shpëtuar.

Drejtori i Parkut Kombëtar të Malit të Zi, Nenad Ivanoviç, konfirmoi për “Vijesti” se një trup u gjet, ndërkohë po kërkohet për trupat e tre personave te tjerë. Ekipet e shpëtimit, duke përfshirë zhytësit dhe një helikopter policie, u mobilizuan për të gjetur të zhdukurit, njoftoi media lokale./abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono