Në vazhdën e kritikave ndaj qeverisë së Kosovës për aksionin në veri, ku u mbyllën disa struktura paralele serbe, ka ardhur një reagim edhe nga ambasadori britanik në Prishtinë, Jonathan Hargreaves.
Në një postim në X, ambasadori britanik shprehet se veprimet e tilla kërkojnë konsultim të kujdesshëm me miqtë e palëkundur të Kosovës dhe partnerët e sigurisë, pasi rrezikojnë të nxisin tensione.
“Veprimet që ndikojnë thelbësisht në mirëqenien e serbëve të Kosovës dhe të komuniteteve të tjera joshumicë kërkojnë konsultim të kujdesshëm me miqtë e palëkundur të Kosovës dhe partnerët e sigurisë, në kontekstin e dialogut më të gjerë. Veprimet e sotme në veri të Kosovës u kryen pa këtë dhe rrezikojnë të nxisin tensione dhe të prekin më të cenuarit”, ka shkruar ambasadori britanik në rrjetin social X.
Actions which fundamentally affect the wellbeing of Kosovo-Serbs and other non-majority communities require careful consultation with Kosovo’s steadfast friends and security partners, in the context of wider dialogue.
1/2— Jonathan Hargreaves (@jonhargreaves67) August 30, 2024
/abcnews.al
