Një 13-vjeçar, i cili u bë viral më parë pasi mblodhi më shumë se 250,000 paund për fëmijët ukrainas, shpreson që mbledhja e fondeve të tij të fundit të ketë të njëjtën sukses.
Gabriel Clark u bë viral vitin e kaluar kur nisma e tij ‘Boël for Ukraine’, një tas prej druri që ai gdhendi, me ngjyrat e flamurit ukrainas tërhoqi vëmendjen e mbështetësve të zjarrtë.
Këtë vit, adoleshenti që jeton në Cumbria ka vendosur të krijojë një tas tjetër, të quajtur ‘The Hope Boël’, ‘tasi i shpresës’, pasi u frymëzua teksa pa se si paratë e grumbulluara nga fushata e parë shkuan në ndihmë të fëmijëve në një shkollë në Poloni.
Shkolla mbështet më shumë se 450 fëmijë nga Ukraina nga mosha gjashtë deri në 17 vjeç për të studiuar kurrikulën ukrainase në gjuhën e tyre amtare, si dhe për të ofruar mësime të gjuhës polake.
Këtë vit, Gabriel po mbledh para për Fondin e Emergjencës së Fëmijëve Save the Children, për të mbështetur fëmijët më larg, në vende duke përfshirë Afrikën Lindore.
“Ndihem sikur fëmijët ndonjëherë mund të nënvlerësohen dhe ata kanë nevojë për mbështetjen tonë sepse nuk mund të punojnë për të fituar para për të ndihmuar veten.
Dhe bota ka kaq shumë probleme me të, kështu që unë mendoj se nëse mund të bëj pjesën time për të rregulluar disa prej tyre, atëherë dua të provoj“, tha Gabriel.
Gabriel ka mbledhur më shumë se 6000 paund deri më tani.
/abcnews.al
