Komiteti për koordinimin dhe vlerësimin e situatës epidemiologjike lidhur me COVID-19 në Kosovë mblidhet sot për vlerësimin e masave. Takimi i komitetit do të mbahet në orën 09:00 në qeverinë e Kosovës.
Në takimin, ku do të diskutohet për koordinimin dhe vlerësimin e situatës epidemiologjike lidhur me COVID-19, do të jetë edhe kryeministri në detyrë i Kosovës, Avdullah Hoti.
Gjatë së enjtes kryeministri në detyrë Hoti pati një takim me ministrin në detyrë të Shëndetësisë Armend Zemaj dhe drejtorin e Instituti Kombëtar të Shëndetësisë Publike të Kosovës, ndërsa u shpreh se do të mbesin në fuqi masat aktuale.
Kujtojmë se dje, Kosova regjistroi 8 raste të fatale dhe 632 raste të reja pozitive me COVID-19. /abcnews.al/
