Duangpetch Promthep, një nga 12 djemtë që u shpëtuan nga një shpellë tajlandeze në vitin 2018, ka vdekur në Britani. Shkaku i vdekjes së tij ende nuk dihet, por Promthep thuhet se ka pësuar një dëmtim në kokë.
Ai ishte kapiteni i ekipit të futbollit të djemve tajlandezë, i cili mbeti i bllokuar për dy javë së bashku me trajnerin e tyre ndërsa eksploronin një shpellë në provincën Chiang Rai në Tajlandën veriore.
Promthep ishte 17 vjeç kur u regjistrua në Akademinë e Futbollit të Kolegjit Brooke House në Leicester në fund të vitit të kaluar. Nëna e tij dha lajmin e hidhur për vdekjen e tij.
Fondacioni Zico, një shoqatë bamirëse tajlandeze që kishte ndihmuar Promthep në marrjen e një burse për të studiuar në Angli, i shprehu gjithashtu ngushëllimet.
/abcnews.al
