Në Shtetet e Bashkuara të Amerikës numri i rasteve të konfirmuara me koronavirus vazhdon të rritet me ritme të frikshme. Tashmë SHBA-të numërojnë plot 54,941 persona të infektuar dhe 784 viktima.
Vetëm gjatë orëve të fundit janë regjistruar 60 raste të reja dhe kanë ndërruar jetë si pasojë e Covid-19, katër persona. Shifrat që rriten me ritme shqetësuese kanë bërë që tashmë SHBA-të t’ia kalojnë edhe Spanjës për numrin e rasteve të konfirmuara.
SHBA-të mbajnë tanimë vendin e tretë në rang global si një ndër vendet më të prekura nga koronavirusi. Spanja mbetet vendi i dytë në Evropë më i prekur nga koronavirusi pas Italisë që mban vendin e parë.
Sa i përket rënditjes globale, Kina vazhdon të mbetet në vendin e parë me 81,218 raste të konfirmuara, Italia në vendin e dytë me 69,176, SHBA në vendin e tretë me 54,941 raste të konfirmuara dhe Spanja në vendin e katërt me 42,058 raste. /abcnews.al/
