Përpos bregdetit shqiptar, i cili ka pritur një numër rekord turistësh nga e gjithë bota, numër rekord turistësh janë regjistruar edhe në parkun arkeologjik të Apolonisë në Fier.
Sipas informacioneve të marra nga drejtoria e parkut, deri në këto momente kanë mbërritur 52 mijë vizitorë, shifër kjo që ishte arritur përgjatë gjithë vitit të kaluar.
Gazetarja e ABC News, Valbona Davidhi raporton se kjo shifër pritet që të dyfishet, pasi parku e ka pikun gjatë muajve të vjeshtës.
“Apolonia këtë sezon “gëlon” nga vizitat dhe guidat turistike. Nëse në rrethinat e Fierit ka ulje të lëvizjeve për shkak të temperaturave të larta në parkun e Apolonisë është ndryshe.
Sipas të dhënave nga drejtoria e parkut, në këto momente që po flasim është arritur shifra e gjithë vitit të kaluar, ndërsa pritet që kjo shifër të dyfishet deri në fund të vitit.
Apolonia ofron një horizont të rëndësishëm kulturor. Vizitorët kanë të shumtë nga Evropa Perëndimore, por nuk kanë munguar as ata nga Lindja.
Kulmi i vizitorëve në Apoloni arrihet në muajin shtator” ka theksuar gazetarja./abcnews.al
