Mbi 3 mijë raste të reja dhe 24 të vdekur nga koronavirusi në Greqi

Autoritetet shëndetësore në Greqi kanë njoftuar sot 3,493 raste të reja me koronavirus.  Me këtë shifër, ka shkuar në 531.967 numri i të infektuarve që nga fillimi i pandemisë, nga të cilët 51.2% janë meshkuj.

Bazuar në rastet e konfirmuara të 7 ditëve të fundit, 122 konsiderohen të kenë lidhje me udhëtimet nga jashtë dhe 2,378 janë të lidhura me një rast tashmë të njohur.

Sipas të dhënave, në 24 orët e fundit kanë humbur jetën 24 qytetarë si pasojë e virusit. Numri i viktimave që nga fillimi i pandemisë ka shkuar në 13,182 vdekje.

Numri i pacientëve të trajtuar me intubim është 235 (63.4% meshkuj). Mosha mesatare e tyre është 64 vjeç. g.v/abcnews.al