Ministri i Punëve të Jashtme të Shqipërisë, Igli Hasani e konsideron moment historik për Kosovën, mbështetjen që Asambleja Parlamentare e Këshillit të Evropës dha për anëtarësimin e saj.
Përmes një postimi në rrjetet sociale, Hasani u shpreh se ky vendim është një njohje e progresit dhe potencialit të Kosovës.
“Një tjetër moment historik për Kosovën. Rekomandimi i Asamblesë Parlamentare të Këshillit të Evropës për anëtarësimin e Kosovës është një njohje e progresit dhe potencialit të saj. Është një hap vendimtar drejt rritjes së bashkëpunimit, stabilitetit dhe prosperitetit për popullin e Kosovës. Është një dëshmi e përkushtimit të Kosovës ndaj vlerave evropiane. Hapi tjetër: Komiteti i Ministrave”, shkruan Hasani në X.
Another milestone for Kosova ✅ ?
The recommendation of the Parliamentary Assembly of the Council of Europe @PACE_News for Kosova’s membership is a recognition of its progress and potential.
It’s a crucial step towards greater cooperation, stability, and prosperity for the…
— Igli Hasani (@IgliHasani) April 16, 2024
