PSG arriti fitoren 3-1 në miqësore ndaj Quevillu Rouen Metropole, ditën e sotme, por nuk mbyllet me kaq pasi lajmi i ditës është rikthmi në kampin stërvitor të dy protagonistëve të Kupës së Botës, sulmuesit Kylian Mbappe dhe anësorit të mbrojtjes, Achraf Hakimi.
Në një deklaratë për kanalet zyrtare të klubit, tekniku i parizienëve Christophe Galtier u shpreh i kënaqur me Botërorin e Mbappe, ku foli dhe me nota superlative për “asin” francez.
“Jam shumë i lumtur që shoh Kylian të kthehet kaq shpejt, ai bëri një Botëror të mrekullueshëm. Është gjithashtu një sinjal i fortë për të gjithë. Një lojtar që është dukshëm i zhgënjyer që nuk ka ngritur trofeun më të bukur, edhe nëse ishte golashënuesi më i mirë në kompeticion, u kthye menjëherë me grupin, për t’u përgatitur për ndeshjet e radhës”,- është shprehur tekniku Galtier. /i.m /abcnews.al
