Talenti i PSG-së, Kylian Mbappe, është lojtari më i komentuar ditëve të fundit, kjo lidhet më një transferim të mundshëm të tij te gjigandët spanjoll te Real Madrid.
Në një intervistë të dhënë për “Paris Match”, 22-vjeçari ka folur si rrallë herë për rrugëtimin e tij nga Monaco te PSG, dhe çfarë mendon ai për të ardhmen e tij.
“Kalosh nga një lojtar i ri dhe premtues, në një lojtar profesionist, nga Monaco te PSG ishte shumë e rëndësishme. Tani po flasim për një karrierë, sigurisht mund të ketë vend për të përmirësuar. Kjo është pjesa më e bukur e futbollit. Shumë gjëra mund të ndodhin dhe është e pamundur që ti parashikosh, aq më tepër se çfarë mund të bësh pas 20 vjetësh”, ka theksuar fillimisht Mbappe.
Në Champions League, fati e vendosi PSG kundër Real Madrid, skuadër që kërkon shërbimet e tij, dhe njëra prej dy ekipeve ka mundësi të kalojë më tej. Mbappe thekson se klubi duhet të përmirësojë disa gjëra për ta fituar këtë trofe.
“Klubi është munduar vazhdimisht për të përmirësuar skuadrën ndër vite, dhe falë kësaj ka fituar respekt ndërkombëtar. Në futboll duhet shumë fat, por ndonjëherë edhe duhet ta kërkosh dhe mbase se kemi bërë siç duhet, por duhet të përmirësojmë disa gjëra të vogla për të ngritur lart trofeun e Champions Leagues”, ka përfunduar 22-vjeçari i PSG-së. /f.a/abcnews.al
