Kylian Mbappe është një nga futbollistët më të mirë në planet dhe siç e thitë edhe vetë, është një yll futbolli. Në një intervistë për mediet franceze, kampioni i botës e pranon se është një yll dhe se bën diçka që asnjë tjetër nuk është në gjendje ta bëjë.
“Pak lojtarë janë në gjendje të ndryshojnë pozicione si unë. Më parë kishte një numër nëntë ose një numër shtatë. Me gjithë përulësinë, nuk mendoj se të gjithë janë të aftë të ndryshojnë pozicione të tilla çdo vit, duke dhënë performancë të shkëlqyer në nivele të larta.
Nuk është diçka që ka rënë nga qielli. Mendoj se jam një yll. Nëse e sheh fytyrën tënde në gjithë qytetin, të gjithë botën, atëherë është e sigurt se jam një yll. Të jesh yll është një status, por nuk më bën mua një person më të mirë se të tjerët”, tha Mbappe. /abcnews.al
