Loading ...
Teuta pësoi një humbje të rëndë në shtëpi me Tiranën dhe tashmë ka zbritur në vendin e tretë. Pas ndeshjes, trajneri Edi Martini në emisionin “Gol pas Goli” në Supersport tha: “E merituam humbjen, bëmë një nga ndeshjet më të dobëta të sezonit. Tirana e meritoi fitoren”.
“Ishte një ditë e keqe, nuk mund të vë gishtin te ndonjë lojtar. Nuk funksionuam si ekip, e kishim merakun e sulmit të Tiranës. Qarkulluan topin, luajtën shumë më mirë se ne dhe u bë shumë e vështirë për ne”.
“Bregu është lojtar që na ka dhënë mjaft pikë, nuk presim të fitojmë çdo ndeshje me të. Sot luajtëm keq, ishte ditë e keqe dhe nuk kemi pse e qajmë. Të mërkurën është ndeshja tjetër. Nuk duhet shënjestruar vetëm Krasniqi, jemi të gjithë grup.
Fajet i marr i pari unë dhe të gjithë së bashku jemi fajtorë. Janë edhe 7 javë kampionat, nuk kemi pse e vëmë para përgjegjësisë një lojtar në këto kushte”, shtoi trajneri shkodran i Teutës.
“Tirana nuk e nisi me lojë graduale. Nuk luftuam mirë për topin e parë dhe të dytë. Ata fituan dyluftimet, zakonisht e bëjmë ne. Bravo i qoftë Tiranës që zbehu cilësitë tona, në një ditë jo të mirë”. /abcnews.al
