Të dielën e 22 tetorit në kryeqytet mbahet edicioni i shtatë i maratonës së Tiranës. Vrapues vendas dhe nga bota do të garojnë në katër disiplina.
Itinerari më i gjatë është ai prej 42 kilometrash. Një aktivitet sportiv, por sipas bashkisë dhe një mundësi për të promovuar Tiranën.
Për të garantuar mbarëvajtjen e maratonës dhe sigurinë e garuesve bashkia ka hartuar një plan masash.
Kështu disa prej rrugëve në Tiranë do të bllokohen për qarkullimin e automjeteve nga ora nëntë e mëngjesit deri në mesditë.
Transporti publik nuk do të mungojë, por rruga që autobuzët qytetas ndjekin në kryeqytet do të devijohet.
Ndërkohë qytetarëve iu kërkohet të mos hynë brenda perimetrit të garës ndërsa ajo zhvillohet.
