Lehtësohen procedurat për pacientët me diabet, të cilët tashmë do kenë mundësi të bëjnë konsulta online për marrjen e insulinës me rimbursim.
Nëse më parë pacientit i duhej të vinte nga Korça ose Shkodra apo edhe rrethe të tjera të vendit për në Tiranë për të kryer konsultën e specializuar për trajtimin me insulinë në QSUT, tashmë pacienti e merr trajtimin në kohë dhe afër vendbanimit të tij.
Sipas ministres së Shëndetësisë dhe Mbrojtjes Sociale, Ogerta Manastirliu mbi 340 pacientë e marrin shërbimin afër vendbanimit, pa patur nevojë të regjistrojnë datën për konsultë në QSUT për të përfituar penat e insulinës falas,
Në vendin tonë sipas Ministrisë së Shëndetësisë, janë mbi 32 mijë pacientë që trajtohen me insulinë e cila rimbursohet 100% nga vetë shteti./ABC News Albania 24/7
