Ministrja e Shëndetësisë, Ogerta Manastirliu dhe Ministrja e Arsimit Evis Kushi, ditën e sotme kanë vizituar shkollën “1 Qershori” në Tiranë.
Ministrja Manastirliu bëri me dije se ka nisur vaksinimi i mësuesve dhe do të shtrihet në të gjithë vendin dhe se 368,000 vaksina kundër gripit do të jenë falas.
“Vaksinimi do të vijojë në çdo qendër shëndetësore, si pjesë e strategjisë së vjeshtë-dimër për mbrojtjen e grupeve të rrezikuara duke filluar nga personeli mjekësor, fëmijët, gratë shtatzëna, të moshuarit, personat me sëmundje kronike dhe edukatoret e arsimtarët në të gjithë vendin”, u shpreh Manastirliu.
Ndërkohë ministrja Kushi deklaroi se janë futur 1000 mësues shtesë në sistem për të përballuar situatën e pandemisë me staf të personelit arsimor.
/abcnews.al/
