Avokati i 33-vjeçares Roula Pispirgou e cila dyshohet se ka gisht në vrasjen e të bijës 9-vjeçare Georgina ka reaguar në lidhje me letrën e publikuar në media, në të cilën Georgina shkruan se e ëma e saj është e keqe.
Avokati i grekes thotë se e vogla i ka shkruar fjalët në momentet kur e ëma nuk i ka plotësuar disa dëshirat.
Sipas tij fëmijës i ka ngelur hatri për gjëra të vogla, prandaj ka shkruar se e ëma është e ligë. Ai thotë se fëmija nuk është lënduar në asnjë moment nga e ëma.
Lexo edhe: E ëma e dyshuara kryesore, zbulohen shënimet e Georginës së vogël: Mami, je e ligë
33-vjeçarja nga Patra akuzohet se ka gisht në vdekjen misterioze të tre fëmijëve të saj, Georginës, Malenës dhe Irisit.
Fotoja nga shënimi i Georginës u publikua në edicionin kryesor të lajmeve në Star Channel.
Blloku i vogëlushes është gjetur pasi avokati i familjes Daskalaki u fut në banesë dhe shikoi nga afër sendet e tre vajzave që tashmë nuk jetojnë më. Kujtojmë se dyshohet që 9-vjeçarja Georgina të ketë ndërruar jetë si pasojë e një doze vdekjeprurëse ketamine. E dyshuara kryesore për administrimin e ketaminës është nëna e saj, Roula Pispirigou. /abcnews.al/
