Ditën e djeshme, mediat e huaja raportuan për zhdukjen e aktores së famshme, Naya Rivera, e cila kishte dalë shëtitje me të birin në liqenin Piru në Kaliforni. Autoritetet dyshojnë se 33-vjeçara ka vdekur, dhe ekipet e kërkim-shpëtimit kanë nisur punën, por ende nuk ka asnjë shenjë për të.
Rivera u bë e famshme me pjesëmarrjen e saj në “Glee”, seriali i viteve 2009-2015 që u kthye në njërin prej më të ndjekurve asokohe. Megjithatë, kjo është një ndër fatkeqësitë e fundit që ka prekur serialin e famshëm muzikor, pasi përpara zhdukjes së 33-vjeçares humbi jetën një prej aktorëve kryesorë të këtij seriali.
LEXO EDHE: Po lundronte me varkë me të birin, zhduket në liqen aktorja e famshme
Aktori Cory Monteith, vdiq si pasojë e mbidozës. Monteith, i cili u bë i njohur në serial me rolin e Finn Hudson, vdiq në vitin 2013, në moshën 31-vjeçare. Historia u përsërit në vitin 2018, kur aktori Mark Salling që luajti rolin e Noe “Puck” Puckerman në serial, vrau veten pasi u deklarua fajtor në vitin 2015 për abuzime seksuale dhe për posedim të përmbajtjeve pornografike me fëmijë.
Së fundmi, dhe aktorja Naya Rivera, e cila është shpallur në kërkim që prej pasdites të së mërkurës. Djali u saj 4-vjeçar, u gjet i vetëm në varkë, dhe sipas asaj që vogëlushi ka thënë, aktorja kishte hyrë për t’u larë por pa u kthyer më. /abcnews.al/
