Këshilli i Sigurimit i Kombeve të Bashkuara do të takohet nesër, kanë thënë diplomatët.
Kjo vjen pasi Brazili njoftoi se do të mblidhte një seancë urgjente pasi Hamasi nisi sulmin më të madh ndaj Izraelit në vite.
Sekretari i Përgjithshëm i OKB-së Antonio Guterres ka dënuar sulmin dhe ka kërkuar “të gjitha përpjekjet diplomatike për të shmangur një zjarr më të gjerë”, tha zëdhënësi i OKB-së, Stephane Dujarric.
“Sekretari i Përgjithshëm është thellësisht i shqetësuar për popullatën civile dhe kërkon përmbajtje maksimale,” shtoi ai.
“Civilët duhet të respektohen dhe mbrohen në përputhje me të drejtën ndërkombëtare humanitare në çdo kohë”. /abcnews.al
