11-vjeçari Hassan al-Khataf u mbështet te shpresa e tij për paqe kur kaloi i vetëm kufirin në Ukrainë.
Djaloshi nga Ukraina arriti të kalojë me sukses dhe i sigurt kufirin mes kaosit të luftës që ka shpërthyer në atdheun e tij. 11-vjeçai ia doli të mbërrijë shëndoshë e mirë në Sllovaki pasi ndoqi turmat e refugjatëve që u larguan nga vendi për t’i shpëtuar pushtimit rus.
Lexo edhe:FOTO/ Forcat ruse shkatërrojnë stadiumin ukrainas
Hassan mbërriti në Sllovaki në fillim të marsit. Ai tërhoqi vëmendjen e mediave pasi një oficer i policisë lokale postoi historinë e tij në faqen e tij në Facebook, duke e quajtur 11-vjeçarin “hero”, pas një udhëtimi të gjatë me tren, por edhe në këmbë nga Zaporizhia në Ukrainën juglindore.
“Shpresën e kam marrë nga nëna ime, e cila donte që unë të largohesha nga atje,” tha Hassan në një intervistë.
“Shpresa ime më çoi në rrugën që mora” , tha 11-vjeçari.
Nëna e Hassanit nuk mund ta linte gjyshen në shtëpi, ndaj e dërgoi djalin vetëm në këtë rrugëtim prej më shumë se 1000 kilometrash në Sllovaki, ku studion vëllai i tij i madh.
Hasani mbërriti në Sllovaki vetëm me një qese plastike, një pasaportë dhe një numër telefoni të shkruar në dorë.
Hassan është një nga 2.5 milionë refugjatët që u larguan nga Ukraina për në Poloni, në Sllovaki , Hungari dhe Rumani , për të mbërritur më pas në Bashkimin Evropian.
Të paktën 176,000 ukrainas kaluan kufirin sllovak në një eksod që Kombet e Bashkuara e përshkruan si kriza e refugjatëve me rritjen më të shpejtë në Evropë që nga Lufta e Dytë Botërore./abcnews.al/
