Gjykata e lartë e OKB-së ka thënë se pushtimi i territoreve palestineze nga Izraeli është kundër ligjit ndërkombëtar.
Gjykata Ndërkombëtare e Drejtësisë (ICJ) deklaroi se Izraeli duhet të ndalojë aktivitetin e vendbanimeve në Bregun Perëndimor të pushtuar, Jerusalemin Lindor dhe Gazën dhe t’i japë fund okupimit “të paligjshëm” të këtyre zonave sa më shpejt të jetë e mundur.
Kjo shënon herën e parë që GJND-ja jep një qëndrim mbi ligjshmërinë e pushtimit 57-vjeçar. GJND-ja, me seli në Hagë të Holandës, e ka shqyrtuar këtë çështje që nga fillimi i vitit të kaluar, me kërkesë të Asamblesë së Përgjithshme të OKB-së.
Gjykatës iu kërkua në mënyrë specifike të jepte pikëpamjen e saj mbi politikat dhe praktikat e Izraelit ndaj palestinezëve dhe mbi statusin ligjor të pushtimit.
