Iraku ka njoftuar se lufta e saj kundër Shteti Islamik ka mbaruar.
Kryeministri Haider al-Abadi tha në një konference në Bagdad, se trupat irakiane janë në kontroll të plotë të kufirit iraken-sirian.
“Forcat tona janë në kontroll të plotë të kufirit irakian-sirian dhe prandaj shpall përfundimin e luftës kundër ISIS. Armiku ynë donte të vriste qytetërimin, por ne kemi fituar nëpërmjet unitetit tonë dhe vendosmërisë sonë. Ne kemi triumfuar në pak kohë”, tha Abadi këtë të shtunë.
Zona kufitare përmbante disa fusha të fundit të mbajtura, pas humbjes së qytetit të Rawa në Nëntor.
Njoftimi i Irakut vjen dy ditë pasi ushtria ruse deklaroi se kishte kryer misionin e saj për të mposhtur ISIS në Sirinë fqinje.
Grupi xhihadist kishte marrë pjesë të mëdha të Sirisë dhe Irakut në vitin 2014, kur shpalli “kalifatin” dhe vendosi sundimin e tij mbi 10 milionë njerëz.
Por ajo pësoi një seri humbjesh gjatë dy viteve të fundit, duke humbur qytetin e dytë të Irakut, Mosulin këtë Korrik dhe kryeqytetin e saj de facto Raqqa-n në Sirinë veriore muajin e kaluar.
Disa luftëtarë të Shtetit Islamik raportohen të jenë shpërndarë në fshatrat sirianë, ndërsa të tjerë besohet se janë arratisur drejt kufirit turk./abcnews.al
