Pesë vatrat e zjarrit në Fier dhe Mallakaster janë nën kontroll, por dëmet e shkaktuara janë të mëdha. Prej disa javësh efektivët zjarrfikës të Fierit po luftojnë me flakët në zona të ndryshme. Por shefi i emergjencave civile në këtë bashki, Maksim Zarka thotë se kanë në dispozicion vetëm 4 mjete zjarrfikëse, të cilat nuk mjaftojnë në këtë situatë të ngarkuar.
Drejt terreneve te vështira nuk ka rruge për mjetet zjarrfikëse, duke i bërë ato jofunskionale.
“Ne akoma nuk i kemi rrugët me standarte në kodrat me ullinj. Rrugët tonë lënë për të dëshiruar.”
Prej një muaji flaket kanë mbizotëruar në Gjorgoz dhe Cakran duke djegur 70 hektarë pyll pishe. Vetëm një ditë më parë u dogjën 9000 rrënjë ullinj në Vadhizë. Dhjetëra hektarë pyll pishe janë djegur edhe në Mallakastër. Policia ka arrestuar 3 persona deri tani si autorë të zjarrvënieve. /abcnews.al/
