Kukësi arriti të fitojë ndaj Egnatias sot me shifrat 3-1. Shumë i kënaqur trajneri i verilindorëve, Diego Longo, i cili për Super Sport, u shpreh:
“E prisja këtë fitore sepse kemi punuar shumë mirë. Jam me fat sepse kam skuadër shumë të mirë. Jemi stërvitur fort dhe kur e bën këtë është shumë e thjeshtë të bësh në fushë atë që ke përgatitur.
Na pëlqen të mbajmë topin dhe të kontrollojmë ndeshjen, kemi lojtarë që mund ta bëjnë këtë dhe e shijojnë. Është diçka ndryshe, por shumë e mirë. I kam parë të gjitha ndeshjet e tjera.
E kam përgatitur ndeshjen, duke parë Egnatian në miqësoret e shkuara. Kam parë organizim shumë të mirë te kundërshtarët dhe për këtë duhet të përgatitemi shumë fort për të arritur në nivele të larta“, tha Longo. /abcnews.al
