Pritjes i erdhi fundi. Ashtu siç ishte njoftuar edhe më herët nga Federata Shqiptare e Futbollit, pasditen e kësaj të hëne, tekniku Sylvinho do të prezantojë listën zyrtare të lojtarëve, të grumbulluar, në kuadër të Kampionatit Evropian të futbollit, EURO2024, që do të zhvillohet në Gjermani, mes datave 14 qershor-14 korrik.
Kështu për portën janë thirrur Etrit Berisha, Thomas Strakosha, Elhan Kastrati e Simon Simoni. Në mbrojtje Sylvinho ka vendosur të marrë me vete për fazën përgatitore Naser Alijin, Arlind Ajetin, Ivan Balliun, Berat Gjimshitin, Elseid Hysajn, Mario Mitajn, Marash Kumbullën, Ardian Ismajlin dhe Enea Mihajn.
Në mesfushë rikthehet Amir Abrashi, ndërsa pjesa tjetër e grupit përbëhet nga Kristjan Asllani, Nedim Bajrami, Medon Berisha, Klaus Gjasula, Qazim Laçi, Ernest Muçi dhe Ylber Ramadani. Ndërkaq, sulmi përbëhet nga Armando Broja, Jasir Asani, Mirlind Daku, Arbër Hoxha, Rey Manaj dhe Taulant Seferi.
Në listë shihet qartë mungesa e lojtarëve që kanë spikatur gjatë kualifikueseve si Muja, Uzuni, Cikalleshi e Keidi Bare, ku për mungesat e tyre tekniku Sylvinho sqaroi gazetarët konferencës për shtyp, që braziliani po zhvillon në ambientet e “Shtëpisë së Futbollit”, konferencë, të cilën mund ta ndiqni më poshtë:
