Ishte një fitore që e shkëput plot 6 pikë nga vendi i dytë.
“Gjigantët” francezë të Paris Saint-Germain kanë arritur një tjetër fitore të madhe në elitën e futbollit francez, teksa pasditen e kësaj të shtune triumfuan minimalisht 1-0, ndaj skuadrës së Lens, në sfidën e vlefshme për javën e 10-të të Ligue 1.
Goli i vetëm i sfidës erdhi nga “fantazisti” francez, Ousmane Dembele, i cili kapi bukur një pasim të Barcola, duke tundur rrejtën që në minutën e 4’-t, por që mjaftoi për të siguruar 3 pikët.
Siç theksuam edhe më sipër, falë këtij triumfi “Kuqeblutë” e teknikut Luis Enrique janë ngjitur në kuotën e 26 pikëve dhe qëndron larg me 6 pikë nga ndjekësit e Monaco, ndërsa Lens mbetet në vendin e tetë të tabelës, me 14 pikë. /i.m /abcnews.al
