Kryeministri Edi Rama, në një reagim në platormën X, ka shpërndarë reagimin e delegacioni për miratimin e ligjit për zonat e mbrojtura. Në këtë reagim delegacioni i BE nënvizon se do të ndjekë me shumë vëmendje zbatimin e dispozitave të reja ligjore për zonat e mbrojtura, në përputhje me kuadrin ligjor të BE-së për mbrojtjen e mjedisit dhe angazhimet ndërkombëtare të Shqipërisë.
Në të njëjtin qëndrim është shprehur edhe kryeministri Edi Rama i cili vlerëson se është “100 % në një mendje me Bashkimin Europian”.
“100 % në një mendje me Bashkimin Europian! *Me vizionin e #Shqipëria2030 dhe vullnetin e palëkundur për ta bërë këtë vend një destinacion turistik të nivelit më të lartë mesdhetar, ne kemi bërë në 10 vitet e fundit një përparim shembullor në mbrojtje të biodiversitetit dhe sot jemi të parët në rajon për sasinë e zonave të mbrojtura. Ndryshimet e sotme e forcojnë bazën e rrugës sonë ambicioze për zhvillim të qëndrueshëm në harmoni me bukurinë mahnitëse të Shqipërisë.”, shprehet Rama.
/abcnews.al/
