Kryeministri libanez, Najib Mikati, i bëri thirrje Kombeve të Bashkuara (OKB) që të ushtrojnë presion ndaj Izraelit për të ndaluar shkeljet në kufirin midis dy vendeve.
Sipas lajmit të agjencisë zyrtare libaneze NNA, kryeministri Mikati u takua në Bejrut me ministrin e Jashtëm libanez Abdallah Buhabib dhe komandantin e Forcave të Përkohshme Paqeruajtëse të Kombeve të Bashkuara (UNIFIL) Aroldo Lazaro.
Mikati diskutoi me Buhabibin dhe Lazaron zhvillimet e sigurisë në kufirin jugor të Libanit që nga fillimi i këtij muaji.
Duke deklaruar se Libani është i përmbahet Rezolutës 1701 të Këshillit të Sigurimit të OKB-së, Mikati theksoi bashkëpunimin midis UNIFIL-it dhe ushtrisë libaneze për të ruajtur stabilitetin në gjithë kufirin jugor.
Mikati i kërkoi OKB-së të “ushtrojë presion mbi Izraelin për të ndaluar shkeljet e përsëritura të sovranitetit libanez mbi kufirin”.
Shkeljet e Izraelit në kufirin libanez
Tensionet lindin herë pas here mes banorëve dhe ushtrisë izraelite në kufirin me Izraelin në Libanin jugor.
Së fundmi, fermeri libanez Ismail Nasser pengoi duke i dalë përpara buldozerit të ushtrisë izraelite të punonte pasi e shkeli kufirin më 7 qershor dhe gërmonte një llogore.
Banorët e Kefr Shubas, të cilët falën namazin e xhumasë në kufi më 9 qershor për t’u solidarizuar me Nasserin, u ekspozuan ndaj bombardimeve me gaz të ushtrisë izraelite.
