Punonjësi i Bordit të Kullimit në Lezhë, Nikolin Kola të cilin e goditën me qytë të pistoletës në kokë dhe i shkrumbuan makinën ndodhet në spital jashtë rrezikut për jetën. Ai i ka dhënë deklaratën e tij në polici ku është shprehur se ishin dy persona që e kërcënuan dhe i morën makinën por nuk ka arritur ti njoh ata.
Ai pretendon se nuk ka asnjë konflikt dhe nuk di arsyen e sulmit. Ngjarja ka ndodhur mbrëmë në hyrje të rrugës së fshatit Kakarriq në Lezhë, vetëm pak metra nga superstrada Lezhë – Shkodër.
Autorët pasi kanë rrëmbyer mjetin, e kanë djegur 2 km më tej. Mjeti tip benz është shkrumbuar i gjithë. Policia ende nuk ka rënë në gjurmët e autorëve, pasi përveç dëshmisë së Kolës i cili ka deklaruar se kanë qenë dy persona, nuk ka asnjë të dhënë tjetër./abcnews.al
