Një banesë u përfshi nga flakët në Ishull Lezhë të Lezhës . Zjarri ka djegur pjesën më të madhe të shtëpisë kurse zjarrfikësit të cilët mbërritën menjëherë në vendngjarje penguan që flakët të përhapen në të tjera shtëpi që ndodheshin aty pranë. Në momentin e rënies së zjarrit në banesë ndodheshin edhe familjarë, por që fatmirisht nuk pësuan asnjë dëmtim pasi dolën menjëherë jashtë. Dyshimet e para janë se zjarri u shkaktua nga një shkëndijë elektrike. Dëmi i shkaktuar është i konsiderueshëm pasi flakët dogjën thuajse gjithçka. Policia ka nisur hetimet për të saktësuar shkaqet e plotë të rënies së këtij zjarri./abcnews.al
https://youtu.be/XfNomXSZm4s
