Të gjitha atraksionet turistike në Lezhë tashmë do të jenë më të lehta për tu vizituar pasi janë përcaktuar në një guidë të veçantë.
Promovimi i guidës, e cila jep informacione të shumta historike ,kulturore e natyrore u bë në një aktivitet të veçantë në qendër të plazhit të Shëngjinit, ku pushuesit dhe vizitorët patën mundësi të njihen me ofertën turistike të Lezhës në një atmosferë plot ngjyra, ritëm dhe energji verore.
Turistë që marrin në dorë guidën, lexojnë dhe fotografojnë faqet dhe për ta është e detajuar dhe e bën më të lehtë lëvizjen e tyre.
Gjatë aktivitetit u shpërndanë qindra kopje të guidës, si një udhërrëfyes i domosdoshëm për ata që duan të eksplorojnë thesaret natyrore dhe kulturore të Lezhës./abcnews.al
