Letër ndërkombëtarëve, Antoneta Sevdari reagon pas shkarkimit

Pasi Komisioni i Posaçëm i Apelimit vendosi të shkarkojë nga detyra prokuroren Antoneta Sevdari, njëherësh anëtare e Këshillit të Lartë të Prokurorisë, kjo e fundit iu drejtua me një letër të hapur krerëve të institucioneve në vend, përfaqësive diplomatike dhe institucioneve që bëjnë vettingun. Ish-prokurorja e Tiranës u shpreh e indinjuar për motivacionin e shkarkimit. Në letrën e saj Sevdari ka ngritur dyshime për procesin e vettingut duke pyetur nëse po kthehet ai në një proces të korruptuar që krimi po përdor për tu hakmarrë ndaj njerëzve që kanë hetuar kriminelë të rrezikshëm. Sevdari thotë se vetëm për dy arsye mund të jetë shkarkuar, nga paaftësia e atyre që e kanë gjykuar ose ka qenë e urdhëruar./abcnews.al