Zërat se Lionel Messi do të largohet nga Barcelona vazhdojnë dhe PSG-ja është destinacioni që po flitet më shumë në ditët e fundit, sidomos pas deklaratës së Neymar. Megjithatë, drejtori sportiv i francezëve, Leonardo, largon presion nga klubi i tij dhe deklaron se tani nuk është koha për merkaton.
Gjithashtu, ai ndalet dhe te çështja e rinovimit të Mbappe, që mesa duket është në rrugën e duhur për të qëndruar në Paris. “Duhet të tregoni pak më shumë respekt. Messi është një lojtar i Barcelonës.
Ne nuk na pëlqen kur flitet për lojtarët tanë, kështu që ne nuk do të diskutojmë për lojtarët e ekipeve të tjera. Tani nuk është koha të mendojmë për merkaton”, deklaron braziliani pas fitores 1-3 me Montpellier.
“Mbappe? Jemi në diskutime e sipër dhe do të vazhdojmë negociatat. Ushnë mendoj se dhe Kylian dëshiron të qëndrojë. Është koha të mendojmë më qartë për të ardhmen e tij dhe ne kemi bërë hapa përpara në krahasim me 10 ditë më parë”, përfundon Leonardo. /abcnews.al
