Kreu i Lidhjes Demokratike të Kosovës, në konferencën për media pas takimit të liderëve me presidentin Thaçi ka thënë se LDK është e gatshme për formimin e qeverisë së re dhe të marrë përgjegjësitë.
Mustafa është shprehur se qeveria e re do të jetë qeveri e luftës kundër pandemisë, rimëkëmbjes ekonomike dhe shëndoshjen e marrëdhënieve midis Kosovës, BE-së dhe SHBA-ve.
Mustafa la të kuptohet se nuk do të jete ai kryeministri i ri, teksa përmendi edhe problemet shëndetësore. “Para së gjithash duhet ta them në organet e LDK’-ë. Atje ne ta përfundojmë këtë dhe vullneti që del nga LDK-ja. Unë i kam disa çështje të miat personale për të cilat jam i kujdesshëm dhe dëshiroj që zgjedhja dhe përcaktimi për mandatarin të jetë në vullnetin e plotë të LDK-së”, ka thënë Mustafa. /abcnews.al
