Joao Cancelo u largua nga Juventusi në verën e vitit 2019. Anësori i djathtë u transferua te Manchester City në një operacion që solli kalimin e Danilos në Torinon bardhezi.
Anësori i djathtë portugez, gjatë një prononcimi për kanalin zyrtar të klubit, ndalet te Pep Guardiola dhe stili i veçantë i futbollit që preferon të praktikojë.
26-vjeçari e pranon se katalanasi ishte shkaku kryesor pse zgjodhi të vijonte karrierën te “Cityzens”, duke thurur elozhe për trajnerin e tij.
“E adhuroj mënyrën se si e sheh futbollin Pep Guardiola dhe si luan skuadra jonë. Trajneri ynë është perfekt në aspektin taktik. Ai është motivi pse zgjodha të vija te Manchester City.
E adhuroj këtë skuadër, projekti i klubit është i jashtëzakonshëm dhe i kemi të gjitha kartat në rregull për të fituar shumë trofe“, deklaroi lojtari portugez. /abcnews.al
