PSG po luante në shtëpi ndaj Basaksehir 8 dhjetorin e kaluar, sfidë e vlefshme për grupet e Champions League. Situata precipitoi pasi arbitri i katërt, rumuni Sebastian Coltecsu, iu shpreh në këtë mënyrë kryesorit në lidhje me Pirre Webo, zv trajnerin e kampionëve të Turqisë.
“Largoje atë të ziun“, u shpreh Coltescu në gjuhën e tij, fjalë që sollën tërbimin e Basaksehir. Skuadra turke vendosi të braktisë ndeshjen për shkak të ofendimeve raciste nga kamerunasit. Ndërkohë kamerat e stadiumit inkuadruan edhe Demba Ba.
Sulmuesi afrikan nuk u përmbajt përballë arbitrit të katërt: “Ti kurrë nuk the ‘ky djalë i bardhë’. Pse kur doni të flisni për një djalë të zi ju duhet të thoni ‘ky djalë i zi’?
Më pas lojtarët dhe stafi i Basaksehir nuk kanë pranuar të rifuten në lojë dhe protestën e tyre e ka mbështetur edhe klubi i PSG. Të dy skuadrat iu drejtuan dhomave të zhveshjes, për të mos dalë më.
UEFA ka marrë një vendim në lidhje me këtë çështje, duke pezulluar arbitrin e katërt Coltescu, teksa shpëton anësori Sovre. Dy arbitrat rumunë do detyrohen të ndjekin edhe një kurs edukimi deri në momentin që do u përfundojë pezullimi.
VENDIMET E KOMISIONIT TË DISIPLINË DHE ETIKËS
–Pezullohet Sebastian Costantin Coltescu për kryerjen e funksionit të gjyqtarit deri në fund të sezonit 2020/2021, pra deri më 30 qershor 2021. Ky vendim merret për sjellje të papërshtatshme të gjyqtarit.
-Sebastian Costantin Coltescu urdhërohet të ndjekë një program edukimi deri para se të përfundojë pezullimi, sipas kushteve të përcaktuara nga UEFA.
-Octavian Sovre qortohet për sjellje të papërshtatshme dhe detyrohet të ndjekë programin e edukimit, njësoj si kolegu i tij Sebastian Costantin Coltescu.
-Pierre Webo pezullohet me një ndeshje për shkak të kartonit të kuq që mori në sfidën që u ndërpre në mes. Gjithashtu, UEFA u kërkon arbitrave të kenë kujdes me përdorimin e fjalëve të ndryshme, në mënyrë që të shmangin situata si në ndeshjen PSG-Basaksehir. /abcnews.al
