Tekniku i “bluve” të Chelsesa, Frank Lampard ka ndërruar tërërsisht anën e “medaljes” dhe duket se ka filluar t’i marrë djemtë e tij me “të mira”, teksa shpreson që Chelsea mund të bëjë “mrekullinë” përballë “galaktikëve” në “Stamford Bridge”.
Në konferencën për shtyp në prag të çerek-finale së nesërme ndaj Real Madrid, Lampard u shpreh se përballë skuadrës së Ancelottit në “Stamford Bridge” do të jetë një përballje shumë e veçantë.
“Nuk jemi në pozicionin që do të donim të ishim, por të thuash se jemi të thyer është e tepërt. Sa i përket vendit në kampionat, ky është një realitet. Në përballjen me Real Madridin po humbasim 0:2. Duhet të punojmë për ta ndryshuar këtë.
Unë nuk mendoj se diçka mund të ndodhë nesër që do të jetë më e mirë se fitorja jonë në Champions League në vitin 2012. Pastaj patëm shumë momente të vështira. Barcelona, Napoli. Ishte një rrugë e vështirë.
Duke pasur parasysh situatën aktuale dhe me kë do të luajmë, do të jetë një ndeshje shumë e veçantë.
Unë jam gjithmonë për faktin që si lojtarët individualë ashtu edhe i gjithë ekipi të marrin përgjegjësi në futboll. Ne duhet t’i kushtojmë vëmendje kësaj. Është një pjesë e rëndësishme e lojës”,- tha Lampard në konferencën për shtyp. /i.m /abcnews.al
