Përfaqësuesi i BE për dialogun Prishtinë-Beograd, Miroslav Lajçak ka zhvilluar këtë të martë një vizitë në Kosovë.
Ambasadori Albert Prenkaj gjatë një interviste në emisionin “Ballkan Update” në ABC News, u shpreh se qëllimi i Lajçak është që Kosova të fillojë implementimin e asociacionit dhe që Serbia të fillojë me njohjen e dokumenteve.
Gjithashtu ai shtoi se Lajçak bën thirrje për gjetjen e një zgjidhje sa më shpejt të jetë e mundur.
“Qëllimi i tij përfundimtar është që Kosova të fillojë implementimin e asociacionit që do të fillojë edhe me njohjen e dokumenteve nga ana e Serbisë. Pra është kjo përpjekja që të bindë të dy palët për këtë asociacion. Pritet të sqarohet ‘fotografia’ politike e Europës dhe që palët në dialog të fillojnë implementimin dhe të marrin përgjegjësitë e tyre për marrëveshjet. Por do të shohim edhe një periudhë presioni…Sa i përket presidentes ajo ka lënë një mundësi, një derë të hapur, por kryeministri nuk ka qenë shpresëdhënës”, tha ndër të tjera Prenkaj.
/abcnews.al/
