Loading ...
Skandali Epstein shkon në Sllovaki. Emailet më të fundit të publikuara nga çështja e abuzuesit Seksual kanë nxjerrë në skenë edhe ish ministrin e jashtëm Sllovak Miroslav Lajçak që tashme është këshilltari i lartë I Kryeministrit Robet Fico për Ballkanin Perëndimor .
Sipas emaileve të publikuara , Epstein iu referua Lajçak ish të dërguarit të Bashkimit Europian për Dialogun Kosovë Serbi në disa mesazhe, duke e përshkruar atë si një person me “ndikim ndërkombëtar.
Në një email të vitit 2019, Epstein e prezantoi atë me një kontakt të paidentifikuar si ministrin aktual të jashtëm sllovak, kryetarin e OSBE-së, ish-presidentin e Kombeve të Bashkuara dhe “më e rëndësishmja si një mik të tij.
Ai gjithashtu iu referua Lajçak me nofkën e njohur sllovake “Miro”, duke sugjeruar njohje personale. Në një shkëmbim tjetër nga viti 2018, i raportuar për herë të parë nga portali sllovak 360-tka.sk, Epstein shkroi se “Miro po vjen në Palm Beach” – një referencë për një nga rezidencat e Epstein në Florida – “për të hartuar strategji”.
Portali sllovak i lajmeve Aktuality.sk vuri në dukje të premten se dokumentet nuk përmbajnë prova që Lajçak ishte në dijeni ose i përfshirë në aktivitetet kriminale të Epstein. Megjithatë, ato tregojnë se Epstein e shihte atë si një aleat brenda qarqeve diplomatike ndërkombëtare.
Emailet tregojnë gjithashtu interesin e dukshëm të Epstein në politikën sllovake. Ai komentoi dorëheqjen e kryeministrit të atëhershëm Robert Fico në vitin 2018 pas vrasjes së gazetarit investigativ Jan Kuciak, dhe më vonë kritikoi zgjedhjen e presidentes pro-evropiane Zuzana Çaputova në vitin 2019 – duke shkruar se Lajçak “do të kishte qenë një kandidat më i mirë”.
