Parlamenti i nisi punimet për herë të parë pa Partinë Demokratike dhe LSI-në, por palët parlamentare angazhohen të forcojnë ligjin e dekriminalizimit pas rastit të Valdrin Pjetrit në Shkodër. Kryefjalë e kësaj legjislature do të jetë reforma zgjedhore, tryezë e cila shihet me shpresë për zgjidhjen e krizës politike, si dhe përballja mes mazhorancës dhe Presidentit, për dekretet por edhe për shkarkimin e Ilir Metës.
Pas 45 ditë pushimesh, deputetët ju rikthyen punës.
Reshjet e shiut nuk lanë shumë hapësirë që ligjvënësit të shfaqnin kujdesin që kishin treguar për veshjen në ditën e parë të sesionit.
Për herë të parë, rojet ceremonialë nuk pritën në shkallët e Parlamentit deputetë të Partisë Demokratike apo LSI-së.
Gramoz Ruci nuk e priti Edi Ramën për të nisur seancën fiks në orën 18:00.
Edhe pse i shpejtoi hapat, kryeministri e humbi fillimin e fjalës së Kryetarit të Kuvendit, i cili e quajti legjitim parlamentin edhe pse ka 18 karrige bosh.
Rudina Hajdari që drejton grupin parlamentar demokrat, premton një fushatë kombëtare për ringritjen e së djathtës.
Por socialistët, kanë të tjera prioritete pas asaj që ndodhi më Valdrin Pjetrin në Shkodër. Forcimin e ligjit të dekriminalizimit, duan ta bëjnë në Reformën zgjedhore.
Bashkëkryetarja e reformës zgjedhore, kërkon përjashtimin e kolegut të saj, Damian Gjiknuri.
Kalendari i punimeve të Kuvendit nis dy javë intensive për rrëzimin e dekreteve të Ilir Metës. 4 janë parashikuar të marrin karton të kuq në 12 shtator, dhe 5 të tjerë në 19 shtator./ABC News Albania 24/7
