“Arena e Kombëtares” nuk do të jetë gati për ndeshjet e para të ekipit përfaqësues në Europian. Anëtari i Komitetit Ekzekutiv të Federatës, Arben Dervishaj, tregon për ABC News-in se kur do të mund të luhet në kryeqytet.
Duhej të përfundonte në fund të këtij viti. Ky është kantieri i ndërtimit të stadiumit të ri kombëtar në kryeqytet, ku ekipi përfaqësues duhej të niste të luante ndeshjet eleminatore të Europianit, në mars 2019.
Pavarësisht nga shpresa që dha presidenti i Federatës, Duka, një tjetër autoritet i institucionit, inxhinieri Arben Dervishaj, thotë në një intervistë për “abc neës”-in, se afati tashmë është shtyrë.
Arben Dervishi, Anëtar i Komitetit Ekzekutiv në FSHF: “Besoj se ndeshjet e para për fat të keq nuk do t’i lozim në stadiumin e ri, por në qershor shpresoj, nëse do kemi edhe ndihmesën e qeverisë”.
Dervishaj, anëtar I Komitetit Ekzekutiv të Federatës, tregon edhe pakënaqësitë që kjo e fundit ka ndaj qeverisë.
Arben Dervishi, Anëtar i Komitetit Ekzekutiv në FSHF: “Në shqoërinë kuqezi kemi dy ortakë, është FSHF me 75 % dhe qeveria me 25%, ne nuk i kemi këkruar kontributin, por i kemi kërkuar t’i rimbursohet TVSH”.
Shpresa dhe besimi i Federatës është që të arrihet marrëveshje me qeverinë, ndërsa paratë e TVSH-së, sipas Dervishajt, duhen për të përfunduar stadiumin.
Arben Dervishi, Anëtar i Komitetit Ekzekutiv në FSHF: “Ekspertë tatimesh kanë thënë t’u rimbursohet TVSH dhe nuk është pak, po janë 2.5 mln euro, të cilat na duhen për të rritur nivelin e stadiumit dhe të realizojmë dhe Superkupërn. Ne kemi bërë dhe shtesa si ndriçimin, nga normal në LED. Do kërkojmë makineritë për ngrohjen e barit. Ne do ta çojmë zgjidhjen ligjore. Le të vendosë gjykata nëse kemi ne të drejtë”.
Besohet se kostoja e Shtëpisë së re të Federatës shkon në 8 deri në 10 milionë euro. Nuk mund të përdoreshin një pjesë e këtyre parave për të përfunduar stadiumin?
Arben Dervishi, Anëtar i Komitetit Ekzekutiv në FSHF: “Një godinë që nuk bëhet godinë për sot, por që të jetë 20 vjet, të përballojë edhe rritjen që do ketë Federata në 20 vitet e ardhshme”.
Afati i ri, pra, është qershori i ardhshëm, por ndoshta edhe fundi i vitit, apo edhe më tej, nëse nuk do të ketë marrëveshje me qeverinë.
“Arena Kombëtare” parashikohet të jetë më 22 000 vende të ulura, stadium i dedikuar vetëm për futbollin, dhe me tribuna të mbuluara.
Dervishaj thotë se, streha do të jetë 4 metra përtej shkallës së fundit të tribunave, ndërsa një vonesë tjetër mund të jetë përfundimi i sheshit përpara impiantit, investim që duhet ta kryejë Bashkia e Tiranës. /abcnews.al
