Kukësi zhvilloi ndeshjen e parë të 1/16-tave të Kupës së Shqipërisë, teksa përballë kishte Labërinë, me sfidën që u fitua me shifrat 3-0 nga verilindorët.
Pas kësaj ndeshje menjëherë te Kukësi kanë filluar të mendojnë për përballjen me Laçin në kampionat, takim që do të luhet ditën e shtunë duke nisur nga ora 15:00 në “shtëpinë” e kurbinasve.
Për Enkeleid Dobin ka “dhimbje koke”, pasi sulmuesi kryesore i skuadrës, Klejdi Daci është dëmtuar në përballjen e Kupës, ndërsa rrezikon të mungojë ndaj kurbinasve.
Këtë sezon Daci ka qenë vendimtar te verilindorët, duke shënuar tre gola. Mungesa e tij dy javore prej pezullimit ndikoi te skuadra, që mban vendin e fundit në klasifikim me 2 pikë. /f.a/abcnews.al
