Kryhet operacioni i rrallë, mjekët në QSUT i rimodelojnë kafkën foshnjës 10-muajshe

Një operacion i rrallë është kryer për herë të parë nga mjekët e spitalit “Nënë Tereza”. Një foshnjë10 muajsh i është nënshtruar rimodelimit të kafkës së kokës, një ndërhyrje që zgjati 7 orë.

“Është bërë një punë fantastike, për herë të parë në spitalet tona,” u shpreh ministrja Ogerta Manastirliu.

Nëna e djalit shprehet e emocionuar për rezultatin e arritur.

“Jam shumë e kënaqur për çfarë keni bërë për djalin tim,” tha ajo.

I vogli që iu nënshtrua ndërhyrjes së rrallë kirurgjikale ka dalë nga reanimacioni dhe ndodhet në gjendje të mirë shëndetësore. /abcnews.al/