Kryeministri Edi Rama ka uruar besimtarët ortodoksë për festën e Pashkëve.
Nëpërmjet një postimi në Facebook, të cilin e ka shoqëruar me një foto të një djali që mban një qiri në dorë, kreu i qeverisë ka shkruar: “Mirëmëngjes. Gëzuar Pashkët Ortodokse”.
Në mesnatë, besimtarët ortodoksë në mbarë vendin kremtuan ringjalljen e Krishtit. Me shprehjen “Krishti u ringjall”, ata festuan atë që njihet si moment i veçantë i besimit, ringjallja e Krishtit tri ditë pas vdekjes i kryqëzuar, një simbolikë për rilindjen e shpresës, kalimin nga e përkohshmja në të përjetshmen e çlirimin nga mëkati, përmes forcimit të besimit tek Zoti./abcnews.al
