Kryeministri Edi Rama është ndalur për drekë në një prej fermerëve të fshatit Kozarë. Nuk kanë munguar batutat e kreut të qeverisë siç ndodh rëndom në të tilla takime jo formale.
Kjo është ndalesa e radhës së axhendës së kryeministrit Rama në Berat.
Më shumë se mesazhe për të përcjellë në drekën e shtruar me prodhime fshati në një prej fermerëve të Kozarës, kryeministri tregon sa i sjellshëm është ndaj grave.
Salcë kosi, ullinj, qumështor, qepë të njoma janë vetëm disa prej pjatave që iu servirën kryeministrit, por siç ndodh në fshat nuk përjashtohen edhe mizat.
Për të zotët e shtëpisë një dolli me fund për kryeministrin nuk duhet të mungojë.
Ndrësa kryeministri e mbyll drekën me një dolli për gratë. /abcnews.al
